Kominn tími á þetta.

Ég byrjaði að drekka löngu áður en ég hafði rétt til þess á menntaskólaárum. Margir jafnaldrar mínir höfðu byrjað fyrr en það. Áfengisaldurinn er of hár eins og hann er í dag og leiðir hann frekar til þess að unglingar sæki í t.d. landa. Mér finnst það pínu vandræðalegt fyrir fólk sem er gift og komið með barn að geta ekki keypt áfengi löglega. Eru foreldrarnir tilbúnir til að ala upp barn en ekki stjórna drykkju sinni?

Það að setja léttvín og bjór í verslanir finnst mér sniðugt því það hvetur fólk frekar til þess að kjósa það yfir sterkt áfengi. Ég gerði þau mistök alltof oft að drekka sterkt áfengi þegar ég kunni ekki mín takmörk. 

Og er ekki svolítið þreytt að koma alltaf með sömu tugguna að það þarf að gera hitt og þetta áður en að hugsa um þetta málefni. Einhvern tímann þurfa hlutirnir að gerast. 

Ef einhver svarar þá er forvitnilegt að heyra hvort viðkomandi hafi byrjað fyrir tilskilinn aldur.

18 ára megi kaupa áfengi

Athugasemdir

[Hrafn (IP-tala skráð) 23.2.2013 kl. 21:59]

Byrjaði löngu fyrir tilskildan aldur. Í dag er ég í erlendum háskóla og hef enn ekki aldur til heima á Íslandi.
Gaman að forræðishyggju.

[Sigurður Helgason, 24.2.2013 kl. 00:06]

 eðlileg skynsemi segir að færa sígaretturnar upp á borð, lækka verð og leyfa reykingar á börum aftur, þetta er ekkert annað en rugl að láta aðra um að stjórna sér,hass og önnur eiturlyf á kaffihúsin, lifum við ekki í frjálsu landi?

[Helgi Heiðar Steinarsson, 24.2.2013 kl. 01:01]

Ekki eyðileggja málefnalega umræðu bara vegna þess að þú hefur ekkert fram að færa, Sigurður. Það var enginn að nefna sígarettur, né ólögleg eiturefni í tengslum við áfengi þótt að þetta er jú allt saman skaðlegt.

[Ingibjörg Guðrún Magnúsdóttir, 24.2.2013 kl. 07:25]

Já mér finnst líka löngu komin tími á þetta og ekkert annað að gera en að hafa fulla trú á að unga fólkið okkar viti hvað það er að gera.

[Sumarliði Einar Daðason, 24.2.2013 kl. 10:04]

Ég horfi á þetta í fyrsta lagi út frá mannréttindasjónarmiðum. Má taka út einn hóp fullorðins fólks og takmarka réttindi þess vegna kyns eða aldurs? Er í lagi að konur hafi ekki kosningarétt? Einstaklingur verður fullorðinn og á ábyrgð sjálfs síns við átján ára aldur. Viðkomandi á ekki að þurfa að búa við skert mannréttindi fyrstu tvö árin eftir að hafa öðlast þessi réttindi.

Ég efast um að þessi leiðrétting á lögum hafi einhver teljandi áhrif á áfengisneyslu fólks almennt. Þeir sem ætla að misnota áfengi gera það hvort sem einhver lög banna það eða ekki.

[Atli Örn Gunnarsson, 24.2.2013 kl. 11:15]

Hef ekkert á móti lækkun áfengisaldursinns, en það að fara borga 20-30% hærra verð fyrir vínið með því að setja það í matvöruverslanir er ég ekki alveg tilbúinn í (sopinn er alveg askoti dýr fyrir).

[Jens Einarsson (IP-tala skráð) 24.2.2013 kl. 11:17]

Af hverju má ég ekki eiga hríðskotabyssur og álíka vopn og þeir í USA eiga? Búum við ekki í frjálsu landi? Ekki eru það vopnin sem drepa? Af hverju að banna fólki að keyra ölvað og dópað? Menn gera það hvort sem er hvort það er bannað eða ekki. Hver á að fá að gera það sem hann vill.Fæstir sem keyra dópaðir eða fullir skaða aðra. Til hvers þessa forræðishyggju?

[Sumarliði Einar Daðason, 24.2.2013 kl. 12:37]

Jens, þarf að eyða orðum í það að það er töluverður munur á jöfnun mannréttinda innanlands og sjálfvirkum vopnum og ölvunar- og dópakstri?

[Helgi Heiðar Steinarsson (IP-tala skráð) 25.2.2013 kl. 00:37]

Jens, ég fann ekki eitt orð hjá þér sem tengist lækkun á áfengisaldri.